Colexio Calasancias

Os alumnos de 2º BAC están a piques de rematar a súa etapa no colexio e iniciar unha nova encamiñada a estudos universitarios ou de formación profesional. O día 16 deste mes celebraremos a súa graduación, o cal non significa que xa rematou todo, pois aínda queda repasar, prepararse ben para a selectividade (ou agardar a setembro).

Deixamos enlaces a tres temas que lles poden afectar:

1. Información sobre reclamacións ás notas finais: https://www.edu.xunta.es/web/node/4734.
2. Información sobre o recoñecemento ós mellores expedientes de bacharelato (aqueles alumnos que teñan unha nota media igual ou superior a 8,75 puntos): https://www.edu.xunta.es/premiosbac.
3. Outra posibilidade de optar a un recoñecemento é participar no curso “O triunfo do saber, ou saber para triunfar”, para os mellores expedientes de bacharelato de toda Galicia, organizado pola Xunta de Galicia e a Universidad Internacional Menéndez Pelayo: Instruccións 2012 e Anexo Solicitude curso UIMP.

Como xa se informou, os días 9 e 10 deste mes os alumnos de 2º ESO realizarán as probas correspondentes á Avaliación de Diagnóstico 2012. O calendario das probas é o seguinte:

• Mércores, 9: De 8.30 a 12.00 h, probas de competencia matemática e de coñecemento e interacción co mundo físico. Ás 12.20 seguirán o horario habitual de clases e o mesmo pola tarde.
• Xoves, 10: De 8.30 a 10.10 h, proba de competencia lingüística e cuestionario de contexto. A partir das 10.10 seguirán o horario habitual. Levarán á casa o cuestionario de alumnado-familias que deberán cubrir os pais. O venres será entregado dito cuestionario en Secretaría.

En canto ós alumnos de 2º de Bacharelato, rematados os exames da 3ª avaliación, retomarán as clases desde mañá, mércores, no seu horario habitual ata o día 5 de xuño. Os alumnos con avaliacións pendentes farán os exames nos días e horas sinalados, e incorporaranse ás clases cos demais compañeiros rematados os exames.

Na web do Instituto Calasancio hai unha pequena reseña do que foi a Marcha Mariana do pasado sábado, 5 de maio. En breve, colgaranse as fotos na galería de imaxes da nosa páxina. Moitas gracias ás familias que deixastes que os vosos fillos disfrutasen dese día.

"Dejemos obrar a Dios que sabe bien lo que conviene" (BFM, Ep 169)

Nesta semana, ademais de seguir recordando a María, Divina Pastora, a través do Ángelus que rezamos ás 10.00 da mañá, temos que destacar a realización das probas da AVALIACIÓN DE DIAGNÓSTICO para os alumnos de 2º ESO, os días 9 e 10. Outras actividades salientables son:

• Martes, 8: Charla de orientación para as familias de alumnos de 1º de Infantil (3 anos) ás 15.45 h na sala de conferencias. O tema é "Educar na autoestima para crecer como persoas".
• Mércores, 9: Teatro para os alumnos de 1º BAC (sala de conferencias) e para os alumnos do 1º ciclo de Primaria e Infantil no salón de actos (8.45 e 10.30 h). A cargo da compañía Caramuxo e ofertado pola ANPA, con motivo da celebración anticipada das Letras Galegas.
• Xoves, 10: Visita ás instalacións de La Voz de Galicia por parte dos alumnos de 1º BAC pola mañá.
• Venres, 11: Celebración penitencial para os confirmandos de 2º ano (4º ESO) pola tarde.
• Sábado, 12: CONFIRMACIÓN ás 12.00 h na capela do colexio.
• Domingo, 13: 2ª tanda de Primeiras Comuñóns, ás 12.00 h, tamén na capela do colexio.

Que María, Divina Pastora, nos axude a ser pedras vivas na Igrexa, a vivir a nosa fe desde a unidade e o amor, sendo exemplos vivos para todos os nenos e mozos que neste mes reciben os sacramentos.